اسلام آباد۔19نومبر (اے پی پی) وزیر اعظم محمد شہباز شریف آکھیا جو ملک دی ترقی اتے قومی یکجہتی دہشت گردی دے خاتمے نال مشروط اے، دھرنے اتے احتجاج دی سیاست ملک دے فیدے اچ کائنی۔ او منگل کوں نیشنل ایکشن پلان دی اپیکس کمیٹی دے اجلاس اچ ابتدائی کلمات ادا کریندے پئے ہن جئیں اچ صوبائی وزراء اعلی،آرمی چیف اتے کابینہ دے ارکان شریک تھیے۔ وزیراعظم اجلاس اچ شرکت تے شرکاء دا شکریہ ادا کریندیں ہوئیں آکھیا جو اساں ساریاں دی سانجھی کوششاں، محنت اتے اخلاص نال ہولے ہولے ملکی معیشت استحکام آلے پاسے ودھدی پئی اے۔ وفاقی، ص??بے، ادارے اتے آرمی چیف دا ایندے اچ وݙا کردار اے۔ انہاں آکھیا جو ملکی ترقی کیتے وفاق اتے صوبیاں کوں رَل تے کم کرݨا پوسی۔ اساکوں آئی ایم ایف دے قرضیاں توں جان چھڑاوݨ کیتےٹیکس نیٹ کوں ودھاوݨا پوسی۔ انہاں آکھیاجو اساݙے اٹھ مہینے دے دور اچ کوئی کرپشن یا فراڈ سامھے نی آیا۔ انہاں آکھیا جو پولیو دے خاتمے کیتے سندھ حکومت دی کوششاں تعریف دے قابل ہن اینویں زرعی ٹیکس دے نفاذ اچ وزیراعلیٰ پنجاب پہل کیتی اے۔ کے پی کے کابینہ وی ایندی منظوری ݙتی اے۔ توقع اے جو سندھ اتے بلوچستان وی جلدی عمل کریسن۔ انہاں آکھیا جاپان اتے جرمنی تباہی دے بعد پنڄاہ سالیں اچ محنت، امانت اتے دیانت نال ترقی دی بلندیاں تے پڄ ڳئن۔ پاکستان کوں اللہ تعالیٰ ٻہوں وسائل ݙتے پر اگر ڳھٹکی اے تاں عزم دی اے۔ میݙی دعا اے جو آئی ایم ایف دا اے چھیکڑی پروگرام ہووے۔ انہاں آکھیا جو پنڄ آئی پیپیز نال پاور بارے ٹاسک فورس دی کوششاں دے معاملے طےتھین۔ ہک ٻئے گروپ نال چھیکڑی مرحلے اچ ڳالھ مہاڑ اے۔ انہاں آکھیا جو ملکی ترقی دی کوششاں امن دے فروغ اتے دہشت گردی دے خاتمے نال جڑین۔ نواز شریف دے دورے اچ ساری سیاسی تے مذہبی جماعتاں اتے عسکری اداریاں دے مشورے نال قومی ایکشن پلان ٻݨایا ڳئیا جئیں پاروں 2018 اچ دہشت گرد?? دا ناسور مک ڳئیا ہئی۔ اساں اسی ہزار جاناں دی قربانی ݙے تے اتے 130 ارب ڈالر دا معاشی ضیان کرتے دے کامیابی حاصل کیتی ہئی۔ ولا ہݨ کیا تھے جو ایں عفریت ولا سر چا ڳھدے ، کے پی کے اتے بلوچستان اچ ہر ݙینھ دہشت گرد?? دا کوئی نہ کوئی واقعہ تھیندا پئے۔ بلوچستان اچ بی ایل اے جو کریندی پئی اے او بدترین درندگی اے۔ اساں کنے ایندا سر کچلݨ دے علاوہ ٻیا کوئی راہ کائنی۔ انہاں آکھیا جو اساݙا مسئلہ نمبر ون دہشت گرد?? دا خاتمہ اے۔ ݙوجھا اتے تریجھا مسئلہ وی ایہو اے۔ اینکوں مکاوݨ ٻہوں ضروری اے۔ وزیراعظم آکھیا جو پاکستان دی ترقی تے خوشحالی ساریاں کوں عزیز اے۔ ایں کیتے غور کرݨا چاہیدے جو دھرنے اتے احتجاج پاکستان دے فیدے اچ ہن؟ انہاں آکھیا جو یقیناً دھرنے اتے احتجاج دی سیاست پاکستان دے فیدے اچ کائنی۔ ایں بارے ٹھڈے دماغ نال سوچݨا پوسی۔
.jpg)
.jpg)
