اسلام آباد ۔ 17 جون (اے پی پی) وزیراعظم دی معاون خصوصی اطلاعات تے نشریات ڈاکٹر فردوس عاشق اعوان سنوار کوں پیمرا ہیڈکوارٹرز دا دورہ کیتا ۔ایں موقع تے میڈیا نال گالھ مہاڑ کریندے ہوئیں انہاں آکھیا جواج جمہوریت دے چیمپیئنز پارلیمنٹ کوں ڈھال بنڑائے، سپیکر کوں چیمبر اچ محصور کر تے جمہوریت دامذاق اڈایا گئے۔انہاں آکھیا جو اقامہ ہولڈر خواجہ آصف پارلیمنٹ دے باہر کھڑتے وزیراں دی کارکردگی ڈسیندے پئے ہن، خواجہ آصف نیب ونجنڑ ،جیرھا جو انہاں کو ں سڈ یندا پئے۔معاون خصوصی آکھیا جو سیاسی ریلو کٹے ادھار دے آکسیجن سلنڈر تے چلدے پن، اوہ رائیونڈ توں آکسیجن ادھار گھنڑ گئے ہن۔فردوس عاشق اعوان آکھیا جو وزیراعظم سارے پریشر دے باوجود جھکسن کائناں آتے نہ ہی کوئی بیک ڈور کھولسن، وزیراعظم عمران خان قوم کوں مایوس کائناں کریسن۔انہاں آکھیا جو وزیراعظم عمران خان دی بشکیک اچ کامیاب ملاقاتاں تھئیاں، بھارتی وزیراعظم مودی اتھاں بارھویں کھلاڑی لگدے پئے ہن۔ ہک سوال دے جواب اچ انہاں آکھیا جو مریم صفدر پہلے اپنڑیاں صفاں وچوں لڑائی مکاونڑ، ول حکومت کوں ڈھاونڑ نکلسن۔ ڈاکٹر فردوس عاشق اعوا ن آکھیا جو پی ٹی آئی حکومت اتحادیاں نال رل مل تے بجٹ پاس کرویسی ۔انہاں آکھیا جوعوام وی ذاتی مفاد دی سیاست کرنڑ آلیاں توں تنگ تھ گن،ہنڑ عوام انہاں دے دھوکے دے جال اچ کائناں آوسی ۔انہاں آکھیا جو پیمرا کوں نویں چینلاں سانگے 187 درخواستاں ملیاں ہن ،پیمرا 11 تعلیمی ،2کسان ،5 سپورٹس ،چینلاں سانگے لائسنس جاری کیتے ہن ،ہنڑ وی مارکیٹ اچ ودھ ساری تعداد اچ نویں چینلز دی ڈیمانڈ ہے،نویں چینلز آونڑ نال روز گار دے مواقع ودھسن۔انہاں آکھیا جو پیمرا 3 ڈی ٹی ایچ لائسنس جاری کیتے ہن،ڈی ٹی ایچ آونڑ نال سکرین کوالٹی چنگی تھیسی،ڈی ٹی ایچ دی سہولت وڈے شہراں اچ 70توں اسی فیصد تئیں ملسی۔ہک سوال دے جواب اچ انہاں ڈسایا جو کوڈ آف کنڈکٹ دی خلاف ورزی تے چینلاں دے خلاف 587مقدمے زیر سماعت ہن۔میڈیادے مسئلیاں دے حل سانگے میڈیا ٹریبونل بناونڑ کیتے سمری بھیجی ویندی پی ہے،پیمرا دے سیکشن30اے اچ ترمیم نال سوشل میڈیا دے مسائل حل تھیسن۔انہاں آکھیا جو میڈیا دے حوالے نال پہلی ورکشاپ جولائی اچ تھیسی،میڈیا ورکشاپ ہر 3مہینے بعد منعقد تھیسی۔انہاں آکھیا جو کوڈ آف کنڈکٹ دے حوالے نال چینلز دے مسائل پیمرا اچ ہی حل تھیونڑ چاہیدن۔
.jpg)
