اسلام آباد۔28مئی (اے پی پی) وزیر داخلہ رانا ثناءاللہ خان یوم تکبیرتے قوم کوں مبارخ ݙیندے ہوئیں آکھی جو پاکستان کوں ناقابل تسخیر بݨاوݨ تے میاں نواز شریف دے جراتمندانہ فیصلے کوں سلام پیش کرینداں ، وقت ثابت کیتے جو ھک دلیر سیاسی قیادت ہی ملکی مفاد کیتے دلیرادانہ فیصلے گھندی اے ، اساں پاکستان کوں ایٹمی طاقت بݨایا ہئی اینکوں معاشی طاقت وی اساں ہی بݨیسوں۔ وزارت داخلہ توں جاری بیان موجب اے ڳالھ انہاں یوم تکبیر ( 28 مئی ) تے آپݨے خصوصی پیغام اچ آکھی اے ۔ رانا ثنا اللہ آکھیے جو 24سال پہلے اڄ دے ݙینھ اساں اے ثابت کیتا جو پاکستان ھک ایٹمی قوت اے۔پاکستان کوں ناقابل تسخیر بݨاوݨ تے میاں نواز شریف دے جراتمندانہ فیصلے کوں سلام پیش کرینداں ۔وقت ثابت کیتے ھک دلیر سیاسی قیادت ہی ملکی مفاد کیتے دلیرادانہ فیصلے کریندی اے ۔ انہاں آکھیے جو ڈالرز دی پیشکش کوں ٹھکریندے ہوئیں ایٹمی دھماکے کرتے ملکی خودداری دا فیصلہ تاں میاں نواز شریف اڄ دے ݙینھ کرݙتا ہئی ، وقت اے وی ثابت کیتے جو پاکستان ھک ذمہ وارایٹمی قوت اے۔
.jpg)