اسلام آباد۔4جنوری(اے پی پی)صدر مملکت ڈاکٹر عارف علوی آکھیے جو عالمی برادری خصوصاً اقوام متحدہ دی ذمہ داری اے جو او مقبوضہ جموں و کشمیر دے عوام کوں انہاں دے ناقابل تنسیخ حق خود ارادیت دا وعدہ پورا کرے، اقوام متحدہ دی سلامتی کونسل دی متعلقہ قرارداداں دے مطابق کشمیریاں دے حق خود ارادیت دی مکمل سیاسی، سفارتی اتے اخلاقی حمایت جاری رکھیسوں۔ کشمیریاں دے یوم حق خود ارادیت تے اپݨے سنیہے اچ انہاں آکھیا جو خمیس 5 جنوری کوں پورے ڄڳ دے کشمیری اقوام متحدہ دے کمیشن برائے ہندوستان و پاکستان (یو این سی آئی پی) دی منظور کیتی قرارداد دی 74 ویں سالگرہ منیندے پن، جیندےا چ شرط ہائی جو جموں و کشمیر دے مسلے دا فیصلہ اقوام متحدہ دی سرپرستی اچ جمہوری طریقے نال آزادانہ اتے غیر جانبدارانہ استصواب رائے نال کیتا ونڄے، اے کشمیریاں دے ناقابل تنسیخ حق خودارادیت دا عزم ہا جیڑھا بین الاقوامی قانون ݙیندے اتے ایکوں عالمی انسانی حقوق دے اداریاں وی برقرار رکھیے بھل افسوس اے جو مقبوضہ جموں و کشمیر دے مظلوم عوام ایندا حق استعمال نئیں کرسڳیے، مظالم ویں جاری ہین، کشمیریاں دے رائے وٹاوݨ کیتے انسانی حقوق پامال تھیندے پن، مقبوضہ جموں و کشمیر دا آبادیاتی ڈھانچے وٹاوݨ کیتے کوششاں تیز تھی چکین۔ صدر مملکت عالمی برادری کوں یاد ݙیوائے جو او کشمیریاں دے حق خود ارادیت دا وعدہ پورا کرݨ کیتے کردار ادا کرے۔ انہاں آکھیے جو پاکستان بہادر کشمیری عوام دی انہاں دے وقار اتے حقوق خاص طور تے ناقابل تنسیخ حق خودارادیت دی منصفانہ جدوجہد اچ اقوام متحدہ دی سلامتی کونسل دی متعلقہ قرارداداں دے مطابق انہاں دی مکمل سیاسی، سفارتی و اخلاقی حمایت جاری رکھسی۔
.jpg)